الإنسان عدو لنفسه

فاش نبغيو نهضرو على تاريخ البشرية، خاصنا
نفصلو بين جوج نظريات، ونختارو آشمن وحدة بغينا نفهمو بيها البشر. الرؤيا أو المنظور الأول، هو البشر ككائن هبط من السماء، من الجنة، نحو الأرض. بتعبير آخر، البشر كملاك مندحر، أو ملاك اخطأ في إحدى المراحل فتناكت عليه الوقت، وغادي تبقى تتقود عليه إلى يوم الدين بسبب الذي أخرجهم من جنة عدن، إلا من رحم ربّك سيظلو على صراط الله يعني متشبتين بالاسلام(اخر رسائل هذا الاله) و سيبقون يحترمون الطبيعة البشرية. أما النظرية الثانية، أو المنظور الثاني بتعبير أصح، هو البشر كبهيمة صاعدة. وهاد النظرية هي التي تقول أن البشر أصله بهيمة، وغادي يبقى كايتحضر وينظف راسو من قذارة الكرة الأرضية إلى أن يصل للكمال، و تقريبا لهذا السبب رون پول و اغلب الليبرتاريين لايؤمنون بالتطور لان البشرية متجهة نحو الانحطاط عكس ماتقوله هذه النظرية.

ماعقلتش بالضبط عند من قريت هاد الثنائية، ولكن هاد الثنائية تساهم بشكل كبير في إتمام الصورة الأفلاطونية الأرسطية للبشر، وكيف أننا نفترق في منطلقاتنا لتحليل الواقع، تبحديد التصاعد من التناقص، والفصل بين التقدم والإندحار. فالطرح الأول، وهو طرح شبه ديني يقول بجمالية فطرة الإنسان الأول، وكيف أن واحد ولد العاهرة تيوسوس ليه، وأنه جاهل لا يعلم، وأنه مزيان ولكن اللي ضايرين بيه هوما اللي خايبين. بينما يقول الطرح الثاني ببهائمية البشر، وفساد خلقتهم وطبيعتهم، وأن سبيلهم هو الحضارة، لا غير هذا.

ماتايهمش فعلا أي الطرحين أصح، وكما يقول فريديرك هايك فالطريق الى العبودية، المعرفة مشتتة على جميع البشر بشكل متفاوت، وكل واحد كل فرد عاش فوق الكرة الأرضية عندو حصة غير متساوية من المعرفة، لأنه تقاطع أوحد لمجموعة تجارب، لأن الله (أو الطبيعة) منهمك في صنعك بكل تجربة، بكل وضعية(واحد القولة كيأمن بيها اتباع المدرية النمساوية تقول: تضييع الموارد ليست من شيم الله او الطبيعة، لذا على الانسان استغلال ماتيّسر له من موارد لصالحه)، كل فعل وكل ردة فعل. الله تايشوفك بحال شي منحوتة وغادي تينحت فيك كل دقيقة، كل دقيقة تاتعيشها راها تاتصنعك، سواء إعترفت بهذا أو لا، سواء آمنت بخالق أم لا، هناك ذكاء خارق مكان ما تايمشي العجب كامل، سمه طبيعة أو إله او عدم أو فراغ سوقك هاداك.


الأكيد أنكي تقاطع وحيد أوحد لظروف وحيدة، ولهذا أنت ما أنت، ولا يشبه حتى أخوك التوأم، لأنه ماكانش كايمارس العادة السرية معاه على جارتهم خديجة فاش كان مكبوت عليها وكايلوح فجينات ديالو مع قنوات الصرف الصحي، وهذا مثال بسيط لطريقة النحت أو الصنع، التي تجعل منكِ پياسة وحدة ماكاينش بحالها، ومن هنا تاتجي قيمتك كفرد، بعد الحقوق الطبيعية ديالك اللي حتى شيحد ماعطاهم ليك، خلقك مولانا بوحدك وعطاك راس وعينين ورجلين سوا كنتي ذكرا او انثى ديديطاس القذافي وخصيتين أو مهبل حسب التعازيلة، وگال ليك نوض تتحاربي على راسك، بإستعمال داكشي اللي جاك فحقك.

حتا لهنا كلشي مزيان.. ياياك؟

هاد جوج كتوبا يلا بغيتي تفهمي هادشي بتعمق..
واحد سميتو humankind بنو الانسان ديال پيتر فارب (عندو حتا كتاب رحلة رجل للحضارة)

و الثاني سميتو ساپيانز: تاريخ حافل لبنو الانسان كتبو نوا(نوح) هاراري .. هادا كاين غا بلونگلي*

تتمة: الشرّ بدا نهار قرر واحد "الأنا" لي ماشي الأنا ديالك هه أنه يتعدى على الحقوق الطبيعية ديال واحد الأنا آخر، والحقوق الطبيعية ببساطة هي حقوق الملكية الخاصة، مغلفة بمبدأ عدم الإعتداء، أو بشكل آخر هادي ديالي تمسها نقتل مك، وتماك بدا تاريخ النهب والإستيلاء، وبدات الرواية ديال البشر، رواية الحرب بين الأنا والآخر، هو تايڭول ليك آجي نجمعو الماكلة ديالي وديالك ونقسمو، ومن نهار قبل الانسان أنه يعطي اليوم الأول لشي آخر باش يحكم فيه ويقول ليه ها كيفاش تمشي حياتك، لأنه جاهل، أو ماتايهمش راسو أحسن منو، من نهار قبل بهاد الوضع وحنا عايشين الذل ، رضيتي بقرار الآخر عوض قرار نفسك، رضيتي بالذ وراك مازال غايعيش فيه إلى يوم الدين، فالتعريف الصحيح للعبد حسب جميع كتب البشرية هي إمتلاك الإنسان للإنسان، وبما أن العبد عندو الحقوق الطبيعية ديالو، فراه سواء كان مستعبد بالقوة أو عن إرادة راه كايبقى عبد، لأن التعريف ديال الإنسان الحر هو الإرادة الحرة، الإرادة هي ما يفصل الإنسان عن الحيوان، ومن لا إرادة له، لا حرية له، وغايبقى حيوان، بهيمة، تانديرو ليه الإغراء باش نسخروه ونبيعو ونشريو فيه ونضحكو عليه ونخليو المكابيت والمجانين يطلعو فوقو ينحكوه بحال البغلة ديال الدوّار هههههههه


قصة الانسان فلول كانت الأنا ضد الأنا لي ماشي الأنا ديالك..

هادي هي الخلاصة 1
و المواجهة الاولى فالتاريخ

و هه درت الانا و داك تخربيق غا ترسبات لفلسفة لكوليج  لي قراونا

المواجهة2:
المسألة عندها جذور تاريخية محددة مع الثورة النيوليتية و حتى الثورة المدينية و ثورة الحضارة ( من بعد اختراع الكتابة مع البابليين ) لمهم قبل هاد التطور الحضاري ديال البشر فمناطق ظهرو الحضارات الكبرى بحال بابل و مصر و الاغريق الى الرومان... الخ
 كان زهر جغرافي ماشي غائي أي سمو عرق على أخر و الانسان نهار نتاصب على قائمتين و قرر يقطع الساڤانا كان انسان افريقي مقود قدر أنه يعبر على واحد نوع الثورة..
و الانسان البدائي من الجيل الثاني تمرّد و مؤخرته عريانة و عايش فالطبيعة فراه كايتحارب مع قوى الطبيعة كايتآلم و يفرح و يتقاتل و يصتاد و يتكاثر و يحتافل و يمرض و يموت و لكن راه باقي كايتصارع مع الوجود اي الطبيعة شكون لي يغلب..

و بالنسبة لثقافة trip الموجة الجديدة لي بانت فالغرب فاواخر ال80ات و بداية الالفية الثالثة فالمملكة كاتدل على هاد المشكل لي واقع ، علاش كانبغيو نرجعو للطبيعة الأم و نعيشو فيها ، لاشعوريا عندنا ناستولوجيا للطبيعة و غادي نرجعو عليها ..


هنا المواجهة 2.. الانسان vs الطبيعة..

كاين فيلم captain fantastic خرج ف2016..

و كاين علاقة الانسان بالمدينة (ااحضارة زعما) ولا الانسان بغا يرجع للطبيعة و يبتاعد من المدينة.. هادشي يالتفصيل فكناب قصة الحضارة ديال ويل ديورانت (50 عام وهو كيكتب فيه هو و مراتو)

المواجهة 3.. الانسان الحديث modern man..

 حنا حاليا كانتصارعو غير مع ذواتنا واش نبانو زوينين ، شنو نلبسو، نبانو بحال ميسي و دريات بحال ديك المونيكا ديال كارديشيان ولا نسخة رديئة د ZAمل ديال حاتم عمور ، تشويكة ديال نايمار و دريات صدر ديال نيكي ميناج، شكون نبغيو(دري كيحلم بسويدية و درية كتحلم بتركي)! حب الظهور و السوپينزم كيما كايسميه إيڤان شپيگل(مؤسس السناب شات)، ندير 60 صورة باش نختار وحدة كنضحك فيها نلوحها فانستا مقابل جيمات لاتغني ولاتسمن من جوع، عرس فسناپ باش نبان على بنات خالي و عمتي و المسمومة د القسم.. الخ، حتا ولى نفسك= عدوك حيت خااصك تبقا تحاربو باش تبان كشخصية مشهورة صنع منها الاعلام مركز الجمال، و لوكان عندي جريدة مشهورة سأكتب ان مجنونة من إحدى الولايات هي ملكة جمال الكون و سيصدقني اغلب الناس لانهم مجرد توابع


الأمراض النفسية بحال الكآبة و القلق تزادت مع الحداثة

من احسن الكتوبا على هاد السوجي.. Revolt against the modern world ديال الفيلسوف الايطالي يوليوس إيڤولا(كاين بلFR(..


هانتي عرفتي بلي المواجهة 3 هي الانسان الحديث ضد ذاته

سوو.. إلى متى نستطيع ان نتجاوز صراع ذواتنا و نتلقو بسرعة البرق من قاع هرم ماسلو الى قمته.. حيث الانتاج و التطوير و نبول على العبيد معا. يا حبيبتي❤

سموحات طولت عليك ا القطيطة😍