الموسيقى.. من موزارت إلى الشيخة تسونامي

من نهار كانتزادو، بدون استثناء، كاملين كانسمعو للموسيقى، سواء كان غناء مسيحي، او مديح نبوي اسلامي، او موسيقى عبدة الشيطان الكافرة، او فلاّح بحالي يستمتع بالشيخات بعد موسم فلاحي جميل، او رقصة فلكلورية او او … الموسيقى ديما معانا، وماكاينش اللي ماكايطربوش الغناء، حيت ببساطة عندنا حواس، حاسة الذوق كاتستمتع بالطعام، حاسة البصر كاتستمتع بالجمال الطبيعي او البشري او الفني، حاسة الشم كاتسمتع بحزقة صامتة طلقتيها على عباد الله فاجتماع رسمي وماعاقوش بيك، حاسة الزب كاتستمتع بطبون رطب ومجموع وحنين، … وكذلك حاسة السمع كاتستمتع بالجمال الموسيقى، من ايقاع موزون وشعر ملحون وكلام مرصون

الحواس تعمل بشكل عاطفي للغاية، تتفاعل من الهرمونات، بل هي مايؤثر على عقلنا باش يرسل اشارات للغدد وتطلق هرمونات فالجسد ديالنا،… كلشي كايتفسر علميا، ويلا عرفتي جسدك كيفاش كايخدم علميا غاتعيش مزيان بزاف. المهم، ماغاديش نتكلم على الحواس دابا، ولكن غانركز على حاسة السمع، حيت موضوعنا دابا هو الموسيقى.

الموسيقى احد انواع التسويق، وغادي نعطيك بعدا تاريخ ظهور الموسيقى. التلاعب بالاصوات كان تحدي كبير عاشتو البشرية، فالاول راه كنا عرق خواف بالزاف، الرعد كايطيرها من الزامل بوك هههههه جدودك النينديرتال راه كان السبع والذيب كايخريهم فالسروال، الموسيقى احد وسائل التعبير عن القوة والاستعداد للقتال او الاحتفال بفوز بعد حرب، كما زئير الاسود، واصوات الحيوانات الاخرى، وهاكا بدينا بالطبول ووصلنا لاومپليفيكاتور مارشال كايموسق مدينة على ڭدها....

الموسيقى اساسا وجدت باش تفيق فينا التيستوستيرون او محاسيس اخرى، وتلعب بالانفعالات ديالنا، فالاول كنا كانلعبو على الحرب، وفالاخير صدقنا فالموسيقى التصويرية الرومنسية والتخويفية… واصبحت بعض الالحان بفعل التدريب الهوليودي للمتلقين تدل على اشياء معينة.

كلشي بدا مع القبائل الاولى، واللي كانو خمس تفرعات اساسية فيها، بان الفن الغربي فالبحر الابيض المتوسط، وبانت الموسيقى القبلية الافريقية، بانت الموسيقى اللاتينية في قبائل المايا والانكا والآزتيك، وبانت الموسيقى السِّلتيّة في اقصى شمال اوروپى لدى الشعوب الجرمانية والساكسونية، وبانت فآسيا، وهادو كاملين اشتقاقات ديال الطبول. ومن بعد راه بدا التلاقح الحضاري بسبب الحروب والتجارة والتوسعات الامپريالية والتصاهر وزيد وزيد وزيد. ونخليكم مع مختارات من كل نوع:

-الموسيقى السلتية، موسيقى إسكندناڤيا
-الموسيقى القبلية الإفريقيةاو موسيقى التشي التشي😂😂 ماشي ديك تشي تشي لي علبالك.
-الموسيقى الاسيوية
- الموسيقى الأمريكية الأصلية
- الموسيقى المتوسطية الرومانية

هادو كاملين موسيقات يلا تبعناهم انثروپولوجيا غلنقاوهوم كاملين متشابهين، الحرب والقتال والتيستوستيرون، البشرية كانت جاهلة سعرانة كاتتحارب، باستثناء الامريكيين الاصليين حيت كانو فاراضي شبعانة موارد، موسيقتهم كانت اكثر هدوء، واكثر تركيز على الباطن النفسي. من بعد بدينا البسالة، وبدا التلاقح كيما ڭلت، وهادشي عطانا موسيقات مختلفة، وبدات الموسيقى كاتتخدم فالاحتفال، واشياء اخرى، وهاد التلاقح هو اللي
كايعطينا شي حاجة اسمها الاذواق، وبشكل او بآخر كل تركيبة جينية راها كاتتفاعل مع موسيقى معينة، غالبا بنادم اللي ماعندوش مستوى ذكاء مرتفع فراه كايستمتع باللي كان، وكايقتنع باي تخربيقة، حيتاش دماغو مافيهش حب الحفر والتنقيب على التموجات والابداعات الموسيقية، دماغو مامدربش، لذلك فارغ وموسيقى باسلة بحال ديال سعد المجرد او ريحانة او شاكيرا راها كاتطربو، على عكس الناس بمستويات ذكاء مرتفعة، الموسيقى الى ماكانتش معقدة والله مايسمعها، بل ان الناس اللي عندهم تكوين موسيقي راه يعتبرون سعد المجرد وريهانا وتايلور سويفت عار وعيب انهم يتصنفو فالموسيقى اساسا. وهادشي سياسيا معروف، كايسمعوليه الطبقات الفقيرة اللي مازال ماعندها تكوين عقلي كافي، لذلك كاتنتشر الموسيقى السوقية بين المزاليط حول العالم، والزلط راه داخلة فيه الطبقة الفقيرة والمتوسطة والشبه متوسطة. وكاينة قاعدة تقول: بقدر ما نتشرت الموسيقى وكان عدد مشاهداتها على اليوتيوب كبير، بقدر ماكاتكون سوقية وبليدة وتساهم في تكليخك، من هنا القدام اي موسيقى منتشرة بين الخيش پيش ماعندك ماتدير بيها، ركز مع التعقيد، حيت الموسيقى تدريب لاذنيك وعقلك، ويلا تعلمتي الموسيقى وتعلمتي تلعب آلة راه الذكاء ديالك غايرتفع، وهادشي متبث علميا، ويما سمعتي موسيقى سوقية راه الذكاء ديالك غاينخفض ببساطة.....

هادشي علاش الموسيقى المعقدة اللتي تحتاج الرياضيات والعلم والتمعن والانصات العميق، بحال باخ وموتزارت وبيتهوڤن، ارتبطت بالعلماء والطبقة الراقية من هرم القوة المجتمعي. الموسيقى كلما تعقدات كلما ارفتعت الجودة ديالها وكلما عاونات الذكاء ديالك يطلع ويزيد يطلع

باخ موسيقتو معقدة، حيت ذكي بزاف، وهادا راه مثال بسيط، راه كانو ملحنين مقودين بزاف كتر من باخ، ودارو العجب، وبنادم كايتموسق ليهم حيت كايبغي يدخل لدماغهم، وهادو راه بحال الفلاسفة والعلماء العظام، راه ادمغتهم معقدة بزاف، ويستحيل تستوعب جمال الموسيقى من اول مرة، وهادشي علاش بيتهوڤن مشهور، كان ناقص مقارنة مع باخ او موتزارت، كايبقا عظيمن من العظام، ولكن موسيقتو مامعقداش كفاية. والتعقيد راه عملية علمية وزمنية، وماشي شي حاجة ساهلة ابدا، وراه الموسيقى علم يا ولاد القحاب، ڭاليك سعد المجرد. راه كولشي على الكومپوزيشن، وملحن بحال باخ راه كايبان مرة فكل خمس قرون بدون مبالغة، هادشي علاش الاوپيرا وغيرها من الانواع الراقية واصلة التيكيت ديالها ملايين السنتيمات لمقعد حقير فالوراء، حيت هي الموسيقى الحقيقية، الباقي راه غير الديشي والزبل

الموسيقى عرفات القمة ديالها فالقرون الوسطى، حيتاش كانو الملوك الفيوداليين الاقطاعيين كايتهلاو فالفن بزاف، وهادشي وقع نسبيا حتى عند المسلمين مع زرياب، كانو الملوك الكبار بحال هارون الرشيد عارفين بقيمة الفن والثقافة في الارتقاء بالذوق البشري، وعرفات الموسيقى قمتها في العهد الاسلامي في الشرق، والعهد الفيودالي فالغرب، من بعد هادشي ناضت الروينة، بسبب السياسة، وماغاترجع الموسيقى تطور راسها حتى للقرن العشرين بسبب الاستقرار السياسي اولا، وبسبب التطور التكولوجي اللي بدا يوصل ثانيا، من راديو وآلات موسيقية، وكلشي غايبدا باحد اقود الابتكارات فالتاريخ البشري: الماكيروفو، والاومپليفيكاتور...

ابتكار لومپيليفاكاتور والڭيطار الكهربائي زيد عليها النزعة التحررية اللي جات من بعد الحرب العالمية الثانية، خلات الناس تهرس قواعد التعقيد، وبدا الهيماج كايطلع، ولكن بسبب الاوليڭاركية التي كانت تسود، ماكانش اي حرتوك موسخ كايطلع يوسخ لبنادم ودنيه فالراديو، وهادشي ادى الى ظهور الاساطير ، واولهم تشوك بيري، وتبعو جيي هندريكس. ولكن الموسيقى بدات كاترجع تدريجيا للتيستوستيرون والنشاط، ومابقاش النشاط حكر على الفلكلور، وهادشي بسبب ان بنادم طلعاتليه الحرب فالراس، وبغا النشاط، عكس شمال افريقيا اللي من نهار عقلات على راسها وهي فالشيخات هههههععخ

هاد النزعة ديال النشاط غادي تبدى تنقسم بين بنادم كالم حواتو الخدمة وبغا يعبر على راسو بهدوء، ويبان البلوز والجاز… وبين بنادم فلسفي ويبانو الابواب او ذادورز ومن بعد الپينك فلويد، وبين بنادم باغي يفرغ التيستوستيرون ديالو وصعران.

السبعينات وهاد الارتقاء الموسيقى اللي وقع فيها، غادي يدفع اصوات اخرى فالعالم تنادي بموسيقى اكثر شراسة، لتلبية الرغبات التيستوستيرونية ديالنا، وغادي يبان النوع الموسيقي المفضل عندي انا شخصيا، واللي هو معدن الجلد، من جلد يجلد، او موسيقى الثراش ميطال😍. لانها غادي تجمع بين عمق التلحين الموسيقي والسرعة التيستوستيرونية فالاداء وقوة الواقعية. وهاد النوع الموسيقي راه شكل ثورة ثالثة بعد الحرب، لانه بدا كايرجع الامجاد الموسيقية ديال باخ، ولكن بسرعة اكبر بكثير، وتركيز موسيقي رائع. هاد النوع الموسيقي غادي يبان في مناطق متفرقة فالعالم، فوقت واحد، بل في سنة واحدة، وهذا قد حير علماء التاريخ الموسيقي المعاصر، حيت الحاجة الى موسيقى اكثر تعقيد بانت بشدة، والناس ماصبروش، وناضو داروها راسهم. بان هادشي مع ميتاليكا وميڭاديث والسيپولتورا والسلاير، ولكن القوادة الحقيقية راه غاتجي حتى هي في نفس السنة، وهادشي كامل وقع سنة 1981 والعجيب ان كل هاد الفرق بانت فسنة واحدة، وكلها وصلات للعالمية، وقوة هاد النوع باقا الي اليوم.

الثمانينات كلها سيطبعها هاد النوع، وخصوصا بداية الثمانينات، ولكن سرعان ما الناس غايطالبو بما هو اسرع، وغادي يبداو الناس يلتحقو بهادشي، ولكن غادي تكون تناكت مع وصول الخيش پيش، وعايبدا الڭرانج والمعدن الجديد وهاد القلاوي الباسل، وغادي تبدى تموت الموسيقى، ولكن واحد القلة قليلة غادي يحملو الشعلة، ويبتكرو نوع جديد، وهو الديث ميطال، او معدن الموت، من بين انواع كثيرة تفرعات من موجة المعدن الانجليزي اللي ضربات بقوة فالسبعينيات، وغادي تواصل الموسيقى الارتقاء نحو امجاد باخ، ماشي بنفس الشدة، ولكن الامجاد التلحينية القوية والراقية، وهادشي غاتسمعو مزيان فهاد الديسك ديال المرحوم تشوك

الباقي بالنسبة ليا محاولات لا باس بيها ولكن كاتبقى لاترتقى لمستوى المطلوب، وبدات الموسيقى كاتضربها التلفة مع نهاية التسعينات، وبقينا حاصلين، وتقريبا هاد النوعين الموسيقيين هوما اللي حافظو على جودة الموسيقى، الديث، والثراش، الباقي كله راح في زبّي...

في نفس الاثناء، نهاية الثمانينات وبداية التسعينات غايبان نوع جديد، هو ماشي موسيقى، ولكن قمة القوادة الكلامية، نابع من الكاريان ديال ماريكان، واللي هو الراپ. الراپ ماشي موسيقى، ولكن تعبير فني شاعري خاسر، وغادي يبان كردة فعل سياسية للجهل اللي عايشين فيه عوازة فماريكان، ولا انكر اعجابي بهاد النوع الفني، نوع رائع، خصوصا لا كان عام تيستوستيرون، وعلى راسهم دي ام اكس، ان دبليو اي، وتوپاك، ايمينيم و هههه ماشي حليوة

واخيرا، حاولو تنقيو ودنيكم، سمعو لموسيقى راقية، باراكا من الهاوس والتخرميز الفرنسي والموسيقى الهادئة، عطيو لهرموناتكم القدر الكافي من الغضب وعطيو لنوروناتكم وخلاياكم العصبية القدر الكافي من التعقيد لعل وعسى يطلع عندك مستوى الذكاء. الذكاء والتيستوستيرون اهم عناصر يعاونوك على تحقيق الاهداف والانجاز بصفة عامة.. و كلشي ديال الله ديديكاس الميلودي